పార్వత్యువాచ:

కైలాస శిఖరే రమ్యే గౌరీ పృచ్ఛతి శంకరం
బ్రహ్మాండా ఖిలనాథస్త్వం సృష్టిసంహారకారకః (1)

త్వమేవ పూజ్యసే లోకైర్బ్రహ్మవిష్ణుసురాదిభిః
నిత్యం పఠసి దేవేశ కస్య స్తోత్రం మహేశ్వర (2)

ఆశ్చర్యమిదమాఖ్యానం జాయతే మయి శంకర
తత్ప్రాణేశ మహాప్రాజ్ఞ సంశయం ఛింధి మే ప్రభో (3)

శ్రీ మహాదేవ ఉవాచ:

ధన్యాసి కృతపుణ్యాసి పార్వతి ప్రాణవల్లభే
రహస్యాతిరహస్యం చ యత్పృచ్ఛసి వరాననే (4)

స్త్రీ స్వభావాన్మహాదేవి పునస్త్వం పరిపృచ్ఛసి
గోపనీయం గోపనీయం గోపనీయం ప్రయత్నతః (5)

దత్తే చ సిద్ధిహానిః స్యాత్తస్మాద్యత్నేన గోపయేత్
ఇదం రహస్యం పరమం పురుషార్థప్రదాయకం (6)

ధనరత్నౌఘమాణిక్యం తురంగం చ గజాదికం
దదాతి స్మరణాదేవ మహామోక్షప్రదాయకం (7)

తత్తేఽహం సంప్రవక్ష్యామి శృణుష్వావహితా ప్రియే
యోఽసౌ నిరంజనో దేవః చిత్స్వరూపీ జనార్దనః (8)

సంసారసాగరోత్తారకారణాయ నృణాం సదా
శ్రీరంగాదిక రూపేణ త్రైలోక్యం వ్యాప్య తిష్ఠతి (9)

తతో లోకా మహామూఢా విష్ణుభక్తివివర్జితాః
నిశ్చయం నాధిగచ్ఛంతి పునర్నారాయణో హరిః (10)

నిరంజనో నిరాకారో భక్తానాం ప్రీతికామదః
వృందావన విహారాయ గోపాలం రూపముద్వహన్ (11)

మురలీవాదనాధారీ రాధాయై ప్రీతిమావహన్
అంశాంశేభ్యః సమున్మీల్య పూర్ణరూపకలాయుతః (12)

శ్రీకృష్ణచంద్రో భగవాన్ నందగోపవరోద్యతః
ధరణీ రూపిణీ మాత ృయశోదానంద దాయకః (13)

ద్వాభ్యాం ప్రయాచితో నాథో దేవక్యాం వసుదేవతః
బ్రహ్మణాఽభ్యర్థితో దేవో దేవైరపి సురేశ్వరి (14)

జాతోఽవన్యాం ముకుందోఽపి మురలోవేదరేచికా
తయా సార్ద్ధం వచః కృత్వా తతో జాతో మహీతలే (15)

సంసార సార సర్వస్వం శ్యామలం మహదుజ్జ్వలం
ఏతజ్జ్యోతిరహం వేద్యం చింతయామి సనాతనం (16)

గౌరతేజో వినా యస్తు శ్యామతేజస్సమర్చయేత్
జపేద్వా ధ్యాయతే వాపి స భవేత్ పాతకీ శివే (17)

స బ్రహ్మహా సురాపీ చ స్వర్ణస్తేయీ చ పంచమః
ఏతైర్దోషైర్విలిప్యేత తేజోభేదాన్మహీశ్వరి (18)

తస్మా జ్జ్యోతిరభూద్ ద్వేధా రాధామాధవరూపకం
తస్మాదిదం మహాదేవి గోపాలేనైవ భాషితం (19)

దుర్వాససో మునేర్మోహే కార్తిక్యాం రాసమండలే
తతః పృష్టవతీ రాధా సందేహభేదమాత్మనః (20)

నిరంజనాత్సముత్పన్నం మయాఽధీతం జగన్మయి
శ్రీకృష్ణేన తతః ప్రోక్తం రాధాయై నారదాయ చ (21)

తతో నారదతస్సర్వే విరలా వైష్ణవా జనాః
కలౌ జానంతి దేవేశి గోపనీయం ప్రయత్నతః (22)

శఠాయ కృపణాయాథ దాంభికాయ సురేశ్వరి
బ్రహ్మహత్యామవాప్నోతి తస్మాద్యత్నేన గోపయేత్ (23)

ఓం అస్య శ్రీ గోపాల సహస్రనామ స్తోత్ర మహా మంత్రస్య
శ్రీ నారద ఋషిః అనుష్టుప్ ఛందః శ్రీ గోపాలో దేవతా కామో బీజం మాయా శక్తిః చంద్రః కీలకం శ్రీ కృష్ణచంద్ర భక్తి రూప ఫలప్రాప్తయే శ్రీ గోపాల సహస్రనామ స్తోత్రజపే వినియోగః

ఓం ఐం క్లీం బీజం శ్రీం హ్రీం శక్తిః
శ్రీ వృందావన నివాసః కీలకం
శ్రీ రాధాప్రియ పరబ్రహ్మేతి మంత్రః
ధర్మాది చతుర్విధ పురుషార్థ సిద్ధ్యర్థే జపే వినియోగః

అథ కరాదిన్యాసః
ఓం క్లాం అంగుష్ఠాభ్యాం నమః
ఓం క్లీం తర్జనీభ్యాం నమః
ఓం క్లూం మధ్యమాభ్యాం నమః
ఓం క్లైం అనామికాభ్యాం నమః
ఓం క్లౌం కనిష్టికాభ్యాం నమః
ఓం క్లః కరతలకరపృష్ఠాభ్యాం నమః

అథ హృదయాదిన్యాసః
ఓం క్లాం హృదయాయ నమః
ఓం క్లీం శిరసే స్వాహా
ఓం క్లూం శిఖాయై వషట్
ఓం క్లైం కవచాయ హుం
ఓం క్లౌం నేత్రత్రయాయ వౌషట్
ఓం క్లః అస్త్రాయ ఫట్

అథ ధ్యానం

కస్తూరీ తిలకం లలాటపటలే వక్షఃస్థలే కౌస్తుభం
నాసాగ్రే వరమౌక్తికం కరతలే వేణుం కరే కంకణం ..

సర్వాంగే హరిచందనం సులలితం కంఠే చ ముక్తావలిం
గోపస్త్రీపరివేష్టితో విజయతే గోపాలచూడామణిః .. 1..

ఫుల్లేందీ వరకాంతి మిందువదనం బర్హావతంసప్రియం
శ్రీవత్సాంక ముదార కౌస్తుభధరం పీతాంబరం సుందరం ..

గోపీనాం నయనోత్పలార్చితతనుం గోగోప సంఘావృతం
గోవిందం కలవేణు వాదనపరం దివ్యాంగభూషం భజే .. 2..

సహస్రనామ స్తోత్ర ఆరంభ-

ఓం క్లీం దేవః కామదేవః కామబీజశిరోమణిః
శ్రీ గోపాలో మహీపాలో వేద వేదాంగ పారగః .. 1

కృష్ణః కమలపత్రాక్షః పుండరీకః సనాతనః
గోపతి ర్భూపతిః శాస్తా ప్రహర్తా విశ్వతోముఖః .. 2

ఆదికర్తా మహాకర్తా మహాకాలః ప్రతాపవాన్
జగజ్జీవో జగద్ధాతా జగద్భర్తా జగద్వసుః .. 3

మత్స్యో భీమః కుహూభర్తా హర్తా వారాహమూర్తిమాన్
నారాయణో హృషీకేశో గోవిందో గరుడధ్వజః .. 4

గోకులేంద్రో మహీచంద్రః శర్వరీప్రియకారకః
కమలా ముఖలోలాక్షః పుండరీకః శుభావహః .. 5

దుర్వాసాః కపిలో భౌమః సింధుసాగరసంగమః
గోవిందో గోపతిర్గోపః కాలిందీప్రేమపూరకః .. 6

గోపస్వామీ గోకులేంద్రో గోవర్ధనవరప్రదః
నందాదిగోకులత్రాతా దాతా దారిద్ర్యభంజనః .. 7

సర్వమంగల దాతా చ సర్వకామ ప్రదాయకః
ఆదికర్తా మహీభర్తా సర్వసాగరసింధుజః .. 8

గజగామీ గజోద్ధారీ కామీ కామకలానిధిః
కలంకరహితశ్చంద్రో బింబాస్యో బింబసత్తమః .. 9

మాలాకారః కృపాకారః కోకిలస్వరభూషణః
రామో నీలాంబరో దేవో హలీ దుర్దమమర్దనః .. 10

సహస్రాక్ష పురీభేత్తా మహామారీ వినాశనః
శివః శివతమో భేత్తా బలారాతిప్రపూజకః .. 11

కుమారీ వరదాయీ చ వరేణ్యో మీనకేతనః
నరో నారాయణో ధీరో రాధాపతిరుదారధీః .. 12

శ్రీపతిః శ్రీనిధిః శ్రీమాన్ మాపతిః ప్రతిరాజహా
వృందాపతిః కులగ్రామీ ధామీ బ్రహ్మ సనాతనః .. 13

రేవతీ రమణో రామః ప్రియశ్చంచల లోచనః
రామాయణ శరీరోఽయం రామో రామః శ్రియఃపతిః .. 14

శర్వరః శర్వరీ శర్వః సర్వత్ర శుభదాయకః
రాధా రాధయితా రాధీ రాధా చిత్తప్రమోదకః .. 15

రాధా రతిసుఖోపేతః రాధా మోహనతత్పరః
రాధా వశీకరో రాధా హృదయాంభోజ షట్పదః .. 16

రాధా లింగన సమ్మోహః రాధా నర్తన కౌతుకః
రాధా సంజాత సంప్రీతో రాధా కామ్య ఫలప్రదః .. 17

వృందాపతిః కోశనిధిః కోక శోక వినాశనః
చంద్రాపతిః చంద్రపతిః చండ కోదండ భంజనః .. 18

రామో దాశరథీ రామః భృగువంశ సముద్భవః
ఆత్మారామో జితక్రోధో మోహో మోహాంధ భంజనః .. 19

వృషభానుభవో భావః కాశ్యపిః కరుణానిధిః
కోలా హలో హలీ హాలీ హేలీ హలధరప్రియః .. 20

రాధా ముఖాబ్జ మార్తాండః భాస్కరో రవిజా విధుః
విధిర్విధాతా వరుణో వారుణో వారుణీప్రియః .. 21

రోహిణీ హృదయా నందో వసుదేవాత్మజో బలీ
నీలాంబరో రౌహిణేయో జరాసంధవధోఽమలః .. 22

నాగో నవాంభో విరుదో వీరహా వరదో బలీ
గోపథో విజయీ విద్వాన్ శిపివిష్టః సనాతనః .. 23

పరశురామవచోగ్రాహీ వరగ్రాహీ శృగాలహా
దమఘోషోపదేష్టా చ రథగ్రాహీ సుదర్శనః .. 24

వీరపత్నీ యశస్త్రాతా జరావ్యాధి విఘాతకః
ద్వారకావాస తత్త్వజ్ఞః హుతాశన వరప్రదః .. 25

యమునా వేగసంహారీ నీలాంబరధరః ప్రభుః
విభుః శరాసనో ధన్వీ గణేశో గణనాయకః .. 26

లక్ష్మణో లక్షణో లక్ష్యో రక్షోవంశవినాశనః
వామనో వామనీభూతోఽవామనో వామనారుహః .. 27

యశోదానందనః కర్త్తా యమలార్జునముక్తిదః
ఉలూఖలీ మహామానీ దామబద్ధాహ్వయీ శమీ .. 28

భక్తానుకారీ భగవాన్ కేశవో బలధారకః
కేశిహా మధుహా మోహీ వృషాసురవిఘాతకః .. 29

అఘాసుర వినాశీ చ పూతనా మోక్షదాయకః
కుబ్జావినోదీ భగవాన్ కంసమృత్యుర్మహామఖీ .. 30

అశ్వమేధో వాజపేయో గోమేధో నరమేధవాన్
కందర్ప కోటిలావణ్య శ్చంద్రకోటిసుశీతలః .. 31

రవికోటి ప్రతీకాశో వాయుకోటి మహాబలః
బ్రహ్మా బ్రహ్మాండకర్తా చ కమలావాంఛితప్రదః .. 32

కమలా కమలాక్షశ్చ కమలాముఖలోలుపః
కమలా వ్రతధారీ చ కమలాభః పురందరః .. 33

సౌభాగ్యాధికచిత్తోఽయం మహామాయీ మదోత్కటః
తారకారిః సురత్రాతా మారీచక్షోభకారకః .. 34

విశ్వామిత్ రప్రియో దాంతో రామో రాజీవలోచనః
లంకాధిప కులధ్వంసీ విభీషణవరప్రదః .. 35

సీతా నందకరో రామో వీరో వారిధి బంధనః
ఖరదూషణ సంహారీ సాకేత పురవాసవాన్ .. 36

చంద్రావలీపతిః కూలః కేశికంసవధోఽమలః
మాధవో మధుహా మాధ్వీ మాధ్వీకో మాధవో విధుః .. 37

ముంజాటవీగాహమానః ధేనుకారిర్ధరాత్మజః
వంశీవటవిహారీ చ గోవర్ధనవనాశ్రయః .. 38

తథా తాలవనోద్దేశీ భాండీరవనశంఖహా
తృణావర్త కృపాకారీ వృషభాను సుతాపతిః .. 39

రాధా ప్రాణసమో రాధావదనాబ్జమధువ్రతః
గోపీరంజనదైవజ్ఞః లీలాకమలపూజితః .. 40

క్రీడా కమలసందోహః గోపికాప్రీతిరంజనః
రంజకో రంజనో రంగో రంగీ రంగమహీరుహః .. 41

కామః కామారిభక్తోఽయం పురాణపురుషః కవిః
నారదో దేవలో భీమో బాలో బాలముఖాంబుజః .. 42

అంబుజో బ్రహ్మసాక్షీ చ యోగీ దత్తవరో మునిః
ఋషభః పర్వతో గ్రామో నదీపవనవల్లభః .. 43

పద్మనాభః సురజ్యేష్ఠీ బ్రహ్మా రుద్రోఽహిభూషితః
గణానాం త్రాణకర్తా చ గణేశో గ్రహిలో గ్రహీ .. 44

గణాశ్రయో గణాధ్యక్షః క్రోడీకృతజగత్త్రయః
యాదవేంద్రో ద్వారకేంద్రో మథురావల్లభో ధురీ .. 45

భ్రమరః కుంతలీ కుంతీసుతరక్షో మహామఖీ
యమునావరదాతా చ కాశ్యపస్య వరప్రదః .. 46

శంఖ చూడవధోద్దామో గోపీ రక్షణ తత్పరః
పాంచజన్యకరో రామీ త్రిరామీ వనజో జయః .. 47

ఫాల్గునః ఫాల్గునసఖో విరాధవధకారకః
రుక్మిణీప్రాణనాథశ్చ సత్యభామాప్రియంకరః .. 48

కల్పవృక్షో మహావృక్షః దానవృక్షో మహాఫలః
అంకుశో భూసురో భావో భ్రామకో భామకో హరిః .. 49

సరలః శాశ్వతో వీరో యదువంశీ శివాత్మకః
ప్రద్యుమ్నో బలకర్తా చ ప్రహర్తా దైత్యహా ప్రభుః .. 50

మహాధనీ మహావీరో వనమాలావిభూషణః
తులసీదామశోభాఢ్యో జాలంధరవినాశనః .. 51

శూరః సూర్యో మృతండశ్చ భాస్కరో విశ్వపూజితః
రవిస్తమోహా వహ్నిశ్చ బాడవో వడవానలః .. 52

దైత్యదర్పవినాశీ చ గరుడో గరుడాగ్రజః
గోపీనాథో మహానాథో వృందానాథోఽవిరోధకః .. 53

ప్రపంచీ పంచరూపశ్చ లతాగుల్మశ్చ గోపతిః
గంగా చ యమునారూపో గోదా వేత్రవతీ తథా .. 54

కావేరీ నర్మదా తాప్తీ గండకీ సరయూస్తథా
రాజసస్తామసస్సత్త్వీ సర్వాంగీ సర్వలోచనః .. 55

సుధామయోఽమృతమయో యోగినీవల్లభః శివః
బుద్ధో బుద్ధిమతాం శ్రేష్ఠో విష్ణుర్జిష్ణుః శచీపతిః .. 56

వంశీ వంశధరో లోకః విలోకో మోహనాశనః
రవరావో రవో రావో బలో బాలబలాహకః .. 57

శివో రుద్రో నలో నీలో లాంగలీ లాంగలాశ్రయః పారదః పావనో హంసో హంసారూఢో జగత్పతిః .. 58

మోహినీమోహనో మాయీ మహామాయో మహామఖీ . వృషో వృషాకపిః కాలః కాలీదమనకారకః .. 59

కుబ్జాభాగ్యప్రదో వీరః రజకక్షయకారకః
కోమలో వారుణో రాజా జలజో జలధారకః .. 60

హారకః సర్వపాపఘ్నః పరమేష్ఠీ పితామహః
ఖడ్గధారీ కృపాకారీ రాధారమణసుందరః .. 61

ద్వాదశారణ్యసంభోగీ శేషనాగఫణాలయః
కామః శ్యామః సుఖశ్రీదః శ్రీపతిః శ్రీనిధిః కృతీ .. 62..

హరిర్నారాయణో నారో నరోత్తమ ఇషుప్రియః
గోపాలీచిత్తహర్తా చ కర్త్తా సంసారతారకః .. 63

ఆదిదేవో మహాదేవో గౌరీగురురనాశ్రయః
సాధుర్మధుర్విధుర్ధాతా త్రాతాఽక్రూరపరాయణః .. 64

రోలంబీ చ హయగ్రీవో వానరారిర్వనాశ్రయః
వనం వనీ వనాధ్యక్షః మహావంద్యో మహామునిః .. 65

స్యామంతకమణిప్రాజ్ఞో విజ్ఞో విఘ్నవిఘాతకః
గోవర్ద్ధనో వర్ద్ధనీయః వర్ద్ధనో వర్ద్ధనప్రియః .. 66

వర్ద్ధన్యో వర్ద్ధనో వర్ద్ధీ వార్ద్ధిష్ణుః సుముఖప్రియః
వర్ద్ధితో వృద్ధకో వృద్ధో వృందారకజనప్రియః .. 67

గోపాలరమణీభర్తా సాంబకుష్ఠవినాశకః
రుక్మిణీహరణః ప్రేమప్రేమీ చంద్రావలీపతిః .. 68

శ్రీకర్తా విశ్వభర్తా చ నరో నారాయణో బలీ
గణో గణపతిశ్చైవ దత్తాత్రేయో మహామునిః .. 69

వ్యాసో నారాయణో దివ్యో భవ్యో భావుకధారకః
శ్వఃశ్రేయసం శివం భద్రం భావుకం భావికం శుభం .. 70

శుభాత్మకః శుభః శాస్తా ప్రశాస్తా మేఘానాదహా
బ్రహ్మణ్యదేవో దీనానాముద్ధారకరణక్షమః .. 71

కృష్ణః కమలపత్రాక్షః కృష్ణః కమలలోచనః
కృష్ణః కామీ సదా కృష్ణః సమస్తప్రియకారకః .. 72

నందో నందీ మహానందీ మాదీ మాదనకః కిలీ
మిలీ హిలీ గిలీ గోలీ గోలో గోలాలయో గులీ .. 73

గుగ్గులీ మారకీ శాఖీ వటః పిప్పలకః కృతీ
మ్లేచ్ఛహా కాలహర్త్తా చ యశోదాయశ ఏవ చ .. 74

అచ్యుతః కేశవో విష్ణుః హరిః సత్యో జనార్దనః
హంసో నారాయణో లీలో నీలో భక్తిపరాయణః .. 75

జానకీవల్లభో రామః విరామో విఘ్ననాశనః
సహభానుర్మహాభానుః వీరబాహుర్మహోదధిః .. 76

సముద్రోఽబ్ధిరకూపారః పారావారః సరిత్పతిః
గోకులానందకారీ చ ప్రతిజ్ఞాపరిపాలకః .. 77

సదారామః కృపారామః మహారామో ధనుర్ధరః
పర్వతః పర్వతాకారో గయో గేయో ద్విజప్రియః .. 78

కంబలాశ్వతరో రామో రామాయణప్రవర్తకః
ద్యౌర్దివో దివసో దివ్యో భవ్యో భావి భయాపహః .. 79

పార్వతీభాగ్యసహితో భర్తా లక్ష్మీవిలాసవాన్
విలాసీ సాహసీ సర్వీ గర్వీ గర్వితలోచనః .. 80

మురారిర్లోకధర్మజ్ఞః జీవనో జీవనాంతకః
యమో యమాదియమనో యామీ యామవిధాయకః .. 81

వసులీ పాంసులీ పాంసుః పాండురర్జునవల్లభః
లలితా చంద్రికామాలీ మాలీ మాలాంబుజాశ్రయః .. 82

అంబుజాక్షో మహాయజ్ఞః దక్షః చింతామణిః ప్రభుః
మణిర్దినమణిశ్చైవ కేదారో బదరీశ్రయః .. 83

బదరీవనసంప్రీతః వ్యాసః సత్యవతీసుతః
అమరారినిహంతా చ సుధాసింధువిధూదయః .. 84

చంద్రో రవిః శివః శూలీ చక్రీ చైవ గదాధరః
శ్రీకర్తా శ్రీపతిః శ్రీదః శ్రీదేవో దేవకీసుతః .. 85

శ్రీపతిః పుండరీకాక్షః పద్మనాభో జగత్పతిః
వాసుదేవోఽప్రమేయాత్మా కేశవో గరుడధ్వజః .. 86

నారాయణః పరం ధామ దేవదేవో మహేశ్వరః
చక్రపాణిః కలాపూర్ణో వేదవేద్యో దయానిధిః .. 87

భగవాన్ సర్వభూతేశో గోపాలః సర్వపాలకః
అనంతో నిర్గుణో నిత్యో నిర్వికల్పో నిరంజనః .. 88

నిరాధారో నిరాకారః నిరాభాసో నిరాశ్రయః
పురుషః ప్రణవాతీతో ముకుందః పరమేశ్వరః .. 89

క్షణావనిః సార్వభౌమో వైకుంఠో భక్తవత్సలః
విష్ణుర్దామోదరః కృష్ణో మాధవో మథురాపతిః .. 90

దేవకీగర్భసంభూతో యశోదావత్సలో హరిః
శివః సంకర్షణః శంభుర్భూతనాథో దివస్పతిః .. 91

అవ్యయః సర్వధర్మజ్ఞః నిర్మలో నిరుపద్రవః
నిర్వాణనాయకో నిత్యో నీలజీమూతసన్నిభః .. 92

కలాక్షయశ్చ సర్వజ్ఞః కమలారూపతత్పరః
హృషీకేశః పీతవాసా వసుదేవప్రియాత్మజః .. 93

నందగోపకుమారార్యః నవనీతాశనో విభుః
పురాణపురుషః శ్రేష్ఠః శంఖపాణిః సువిక్రమః .. 94

అనిరుద్ధశ్చక్రరథః శార్ఙ్గపాణిశ్చతుర్భుజః
గదాధరః సురార్తిఘ్నో గోవిందో నందకాయుధః .. 95

వృందావనచరః శౌరిర్వేణువాద్యవిశారదః
తృణావర్తాంతకో భీమసాహసీ బహువిక్రమః .. 96

శకటాసురసంహారీ బకాసురవినాశనః
ధేనుకాసురసంహారీ పూతనారిర్నృకేసరీ .. 97

పితామహో గురుస్సాక్షాత్ ప్రత్యగాత్మా సదాశివః
అప్రమేయః ప్రభుః ప్రాజ్ఞోఽప్రతర్క్యః స్వప్నవర్ద్ధనః .. 98

ధన్యో మాన్యో భవో భావో ధీరః శాంతో జగద్గురుః
అంతర్యామీశ్వరో దివ్యో దైవజ్ఞో దేవసంస్తుతః .. 99

క్షీరాబ్ధిశయనో ధాతా లక్ష్మీవాంల్లక్ష్మణాగ్రజః
ధాత్రీపతిరమేయాత్మా చంద్రశేఖరపూజితః .. 100

లోకసాక్షీ జగచ్చక్షుః పుణ్యచారిత్రకీర్తనః
కోటిమన్మథసౌందర్యః జగన్మోహనవిగ్రహః .. 101

మందస్మితాననో గోపో గోపికాపరివేష్టితః
ఫుల్లారవిందనయనః చాణూరాంధ్రనిషూదనః .. 102

ఇందీవరదలశ్యామో బర్హిబర్హావతంసకః
మురలీనినదాహ్లాదః దివ్యమాల్యాంబరావృతః .. 103

సుకపోలయుగః సుభ్రూయుగలః సులలాటకః
కంబుగ్రీవో విశాలాక్షో లక్ష్మీవాంఛుభలక్షణః .. 104

పీనవక్షాశ్చతుర్బాహుశ్చతుర్మూర్తిస్త్రివిక్రమః
కలంకరహితః శుద్ధః దుష్టశత్రునిబర్హణః .. 105

కిరీటకుండలధరః కటకాంగదమండితః
ముద్రికాభరణోపేతః కటిసూత్రవిరాజితః .. 106

మంజీరరంజితపదః సర్వాభరణభూషితః
విన్యస్తపాదయుగలో దివ్యమంగలవిగ్రహః .. 107

గోపికానయనానందః పూర్ణచంద్రనిభాననః
సమస్తజగదానందః సుందరో లోకనందనః .. 108

యమునాతీరసంచారీ రాధామన్మథవైభవః
గోపనారీప్రియో దాంతో గోపీవస్త్రాపహారకః .. 109

శృంగారమూర్తిః శ్రీధామా తారకో మూలకారణం
సృష్టిసంరక్షణోపాయః క్రూరాసురవిభంజనః .. 110

నరకాసురసంహారీ మురారిరరిమర్దనః
ఆదితేయప్రియో దైత్యభీకరో యదుశేఖరః .. 111

జరాసంధకులధ్వంసీ కంసారాతిః సువిక్రమః
పుణ్యశ్లోకః కీర్తనీయః యాదవేంద్రో జగన్నుతః .. 112

రుక్మిణీరమణః సత్యభామాజాంబవతీప్రియః
మిత్రవిందానాగ్నజితీలక్ష్మణాసముపాసితః .. 113

సుధాకరకులే జాతోఽనంతప్రబలవిక్రమః
సర్వసౌభాగ్యసంపన్నో ద్వారకాపత్తనే స్థితః .. 114

భద్రాసూర్యసుతానాథో లీలామానుషవిగ్రహః
సహస్రషోడశస్త్రీశో భోగమోక్షైకదాయకః .. 115

వేదాంతవేద్యః సంవేద్యో వైద్యో బ్రహ్మాండనాయకః
గోవర్ద్ధనధరో నాథః సర్వజీవదయాపరః .. 116

మూర్తిమాన్ సర్వభూతాత్మా ఆర్తత్రాణపరాయణః
సర్వజ్ఞః సర్వసులభః సర్వశాస్త్రవిశారదః .. 117

షడ్గుణైశ్వర్యసంపన్నః పూర్ణకామో ధురంధరః
మహానుభావః కైవల్యదాయకో లోకనాయకః .. 118

ఆదిమధ్యాంతరహితః శుద్ధసాత్త్వికవిగ్రహః
అసమానః సమస్తాత్మా శరణాగతవత్సలః .. 119

ఉత్పత్తిస్థితిసంహారకారణం సర్వకారణం
గంభీరః సర్వభావజ్ఞః సచ్చిదానందవిగ్రహః .. 120

విష్వక్సేనః సత్యసంధః సత్యవాక్ సత్యవిక్రమః
సత్యవ్రతః సత్యరతః సర్వధర్మపరాయణః .. 121

ఆపన్నార్తిప్రశమనః ద్రౌపదీమానరక్షకః
కందర్పజనకః ప్రాజ్ఞో జగన్నాటకవైభవః .. 122

భక్తివశ్యో గుణాతీతః సర్వైశ్వర్యప్రదాయకః
దమఘోషసుతద్వేషీ బాణబాహువిఖండనః .. 123

భీష్మభక్తిప్రదో దివ్యః కౌరవాన్వయనాశనః
కౌంతేయప్రియబంధుశ్చ పార్థస్యందనసారథిః .. 124

నారసింహో మహావీరః స్తంభజాతో మహాబలః
ప్రహ్లాదవరదః సత్యో దేవపూజ్యోఽభయంకరః .. 125

ఉపేంద్ర ఇంద్రావరజో వామనో బలిబంధనః
గజేంద్రవరదః స్వామీ సర్వదేవనమస్కృతః .. 126

శేషపర్యంకశయనః వైనతేయరథో జయీ
అవ్యాహతబలైశ్వర్యసంపన్నః పూర్ణమానసః .. 127

యోగేశ్వరేశ్వరః సాక్షీ క్షేత్రజ్ఞో జ్ఞానదాయకః
యోగిహృత్పంకజావాసో యోగమాయాసమన్వితః .. 128

నాదబిందుకలాతీతశ్చతుర్వర్గఫలప్రదః
సుషుమ్నామార్గసంచారీ దేహస్యాంతరసంస్థితః .. 129

దేహేంద్రియమనఃప్రాణసాక్షీ చేతఃప్రసాదకః
సూక్ష్మః సర్వగతో దేహీ జ్ఞానదర్పణగోచరః .. 130

తత్త్వత్రయాత్మకోఽవ్యక్తః కుండలీ సముపాశ్రితః
బ్రహ్మణ్యః సర్వధర్మజ్ఞః శాంతో దాంతో గతక్లమః .. 131

శ్రీనివాసః సదానందః విశ్వమూర్తిర్మహాప్రభుః
సహస్రశీర్షా పురుషః సహస్రాక్షః సహస్రపాత్ .. 132

సమస్తభువనాధారః సమస్తప్రాణరక్షకః
సమస్తసర్వభావజ్ఞో గోపికాప్రాణవల్లభః .. 133

నిత్యోత్సవో నిత్యసౌఖ్యో నిత్యశ్రీర్నిత్యమంగలః
వ్యూహార్చితో జగన్నాథః శ్రీవైకుంఠపురాధిపః .. 134

పూర్ణానందఘనీభూతః గోపవేషధరో హరిః
కలాపకుసుమశ్యామః కోమలః శాంతవిగ్రహః .. 135

గోపాంగనావృతోఽనంతో వృందావనసమాశ్రయః
వేణువాదరతః శ్రేష్ఠో దేవానాం హితకారకః .. 136

బాలక్రీడాసమాసక్తో నవనీతస్య తస్కరః
గోపాలకామినీజారశ్చౌరజారశిఖామణిః .. 137

పరంజ్యోతిః పరాకాశః పరావాసః పరిస్ఫుటః
అష్టాదశాక్షరో మంత్రో వ్యాపకో లోకపావనః .. 138

సప్తకోటిమహామంత్రశేఖరో దేవశేఖరః
విజ్ఞానజ్ఞానసంధానస్తేజోరాశిర్జగత్పతిః .. 139

భక్తలోకప్రసన్నాత్మా భక్తమందారవిగ్రహః
భక్తదారిద్ర్యదమనో భక్తానాం ప్రీతిదాయకః .. 140

భక్తాధీనమనాః పూజ్యః భక్తలోకశివంకరః
భక్తాభీష్టప్రదః సర్వభక్తాఘౌఘనికృంతనః .. 141

అపారకరుణాసింధుర్భగవాన్ భక్తతత్పరః .. 142

ఇతి గోపాల సహస్రనామస్తోత్రం సంపూర్ణం

ఫలశ్రుతిః

స్మరణాత్ పాపరాశీనాం ఖండనం మృత్యునాశనం
వైష్ణవానాం ప్రియకరం మహారోగనివారణం

బ్రహ్మహత్యాసురాపానం పరస్త్రీగమనం తథా
పరద్రవ్యాపహరణం పరద్వేషసమన్వితం

మానసం వాచికం కాయం యత్పాపం పాపసంభవం
సహస్రనామపఠనాత్ సర్వం నశ్యతి తత్క్షణాత్

మహాదారిద్ర్యయుక్తో యో వైష్ణవో విష్ణుభక్తిమాన్
కార్తిక్యాం సంపఠేద్రాత్రౌ శతమష్టోత్తరం క్రమాత్

పీతాంబరధరో ధీమాన్ సుగంధైః పుష్పచందనైః
పుస్తకం పూజయిత్వా తు నైవేద్యాదిభిరేవ చ
రాధాధ్యానాంకితో ధీరో వనమాలావిభూషితః

శతమష్టోత్తరం దేవి పఠేన్నామసహస్రకం
చైత్రశుక్లే చ కృష్ణే చ కుహూసంక్రాంతివాసరే

పఠితవ్యం ప్రయత్నేన త్రైలోక్యం మోహయేత్ క్షణాత్
తులసీమాలయా యుక్తో వైష్ణవో భక్తితత్పరః

రవివారే చ శుక్రే చ ద్వాదశ్యాం శ్రాద్ధవాసరే
బ్రాహ్మణం పూజయిత్వా చ భోజయిత్వా విధానతః

పఠేన్నామసహస్రం చ తతః సిద్ధిః ప్రజాయతే
మహానిశాయాం సతతం వైష్ణవో యః పఠేత్ సదా

దేశాంతరగతా లక్ష్మీః సమాయాతి న సంశయః
త్రైలోక్యే చ మహాదేవి సుందర్యః కామమోహితాః

ముగ్ధాః స్వయం సమాయాంతి వైష్ణవం చ భజంతి తాః
రోగీ రోగాత్ ప్రముచ్యేత బద్ధో ముచ్యేత బంధనాత్

గర్భిణీ జనయేత్పుత్రం కన్యా విందతి సత్పతిం
రాజానో వశ్యతాం యాంతి కిం పునః క్షుద్రమానవాః

సహస్రనామశ్రవణాత్ పఠనాత్ పూజనాత్ ప్రియే
ధారణాత్ సర్వమాప్నోతి వైష్ణవో నాత్ర సంశయః

వంశీవటే చాన్యవటే తథా పిప్పలకేఽథ వా
కదంబపాదపతలే గోపాలమూర్తిసంనిధౌ

యః పఠేద్వైష్ణవో నిత్యం స యాతి హరిమందిరం
కృష్ణేనోక్తం రాధికాయై మయా ప్రోక్తం తథా శివే

నారదాయ మయా ప్రోక్తం నారదేన ప్రకాశితం
మయా తుభ్యం వరారోహే ప్రోక్తమేతత్సుదుర్లభం

గోపనీయం ప్రయత్నేన న ప్రకాశ్యం కథంచన
శఠాయ పాపినే చైవ లంపటాయ విశేషతః

న దాతవ్యం న దాతవ్యం న దాతవ్యం కదాచన
దేయం శిష్యాయ శాంతాయ విష్ణుభక్తిరతాయ చ

గోదానబ్రహ్మయజ్ఞాదేర్వాజపేయశతస్య చ
అశ్వమేధసహస్రస్య ఫలం పాఠే భవేత్ ధ్రువం

మోహనం స్తంభనం చైవ మారణోచ్చాటనాదికం
యద్యద్వాంఛతి చిత్తేన తత్తత్ప్రాప్నోతి వైష్ణవః

ఏకాదశ్యాం నరః స్నాత్వా సుగంధిద్రవ్యతైలకైః
ఆహారం బ్రాహ్మణే దత్త్వా దక్షిణాం స్వర్ణభూషణం

తత ఆరంభకర్తాస్య సర్వం ప్రాప్నోతి మానవః
శతావృత్తం సహస్రం చ యః పఠేద్వైష్ణవో జనః

శ్రీవృందావనచంద్రస్య ప్రసాదాత్సర్వమాప్నుయాత్
యద్గృహే పుస్తకం దేవి పూజితం చైవ తిష్ఠతి

న మారీ న చ దుర్భిక్షం నోపసర్గభయం క్వచిత్
సర్పాద్యా భూతయక్షాద్యా నశ్యంతే నాత్ర సంశయః

శ్రీగోపాలో మహాదేవి వసేత్తస్య గృహే సదా
గృహే యత్ర సహస్రం చ నామ్నాం తిష్ఠతి పూజితం

ఓం తత్సదితి శ్రీసమ్మోహనతంత్రే పార్వతీశ్వర సంవాదే
గోపాల సహస్రనామస్తోత్రం సంపూర్ణం

శ్రీరాధారమణః కృష్ణః గుణరత్నైస్సుగుంఫితాం
స్వీకృత్యేమాం మితాం మాలాం స నో విష్ణుః ప్రసీదతు

Related post: Sri Katyayini Mangala Harathi  Click Here ⋙

Stotralu  ➞  Sri Gopala Sahasranama Stotram  

For Ashtottara Shatanamalu click here ⋙